ចាន់ វឌ្ឍនាកា​ ជ័យជំនះនេះ ជា​គុណសម្បត្តិ​របស់​មិត្ត​រួម​ក្រុម​

សម្តីរបស់កីឡាករ ចាន់ វឌ្ឍនាកា​ឆ្លើយតបនឹងការលើកតម្កើនជ័យជំនះថ្មីរបស់ក្រុមខ្លួនថ្មីៗនេះដោយវេបសាយបរទេសមួយដែលដកស្រង់ដោយ​ wearefootball.com.kh បានបង្ហាញពីទឹកចិត្តជាកីឡាករ​ និងមានលក្ខណៈជាក្រុម​ គួរអោយគោរព។​ អ៊ីស្ពតសូមគាំទ្រនិងលើកទឹកចិត្តកីឡាករទាំងអស់អោយយកទស្សនះនេះជាគំរូ។​

កីឡាករ ចាន់ វឌ្ឍនាកា បាន​​បង្ហាញ​ទស្សនៈ​របស់​ខ្លួន​ឆ្លើយ​តប​ទៅ​នឹង​​វិបសាយ​កម្រិត​ពិភពលោក​ដែលទទួល​សិទ្ធិ​ផ្សព្វផ្សាយ​​ប្រចាំ​តំបន់​ថា៖ «ខ្ញុំ​សូម​អរគុណ​សារព័ត៌មាន Goal.com ដែល​បាន​ជ្រើសរើស​រូប​ខ្ញុំ​ជា South East Asian Player of the Week។  ប៉ុន្តែ​ជ័យជម្នះ​លើ​​ក្លិប Becamex Binh Duong មិនមែន​ជា​គុណសម្បត្តិ​របស់​ខ្ញុំ​ម្នាក់​ឯង​នោះ​ទេ​ វា​ជា​គុណសម្បត្តិ​របស់​មិត្ត​រួម​ក្រុម​ទាំង​អស់​គ្នា និង​លោក​គ្រូ​បង្វឹក»។